Tað hevur seinastu dagarnar verði tosað nógv um at Liverpool skuldi hava nýggja sponsor. Í dag hevur Liverpool so kunngjørt nýggja sponsorin á troyggjum felagsins. Samráðingar hava annars verið millum Liverpool og Carlsberg, sum hevur verið sponsor síðan 1992, men hesar rukku ikki á mál, og í morgun boðaði Liverpool so frá, at tað framyvir verður Standard Chartered Bank, ið kemur at hava sítt búmerki á troyggjunum.  Talan er um størstu sponsoravtalu í søgu felagsins og eina avtalu sum er at samanlíkan við tað avtalu sum eitt nú Man Utd hevur. Standard Chartered verður at síggja á Liverpool troyggjunum frá byrjanini av næsta kappingarári og fram til 2014. Carlsberg, ið á mangan hátt hevur verið ímyndin av Liverpool troyggjunum, er nú skjótt burtur. Tað eru helst fleiri sum eru fegin um tað, tí Liverpool hevur ongantíð vunnið enska meistaraheitið síðani Carlsberg kom á troyggjunar.