Skrivað hevur Rói Joensen, Saturday, 16 January 2010 (668 hits)
 (PL) Stoke –Liverpool 1-1 (0-0)
Í einum sera vánaligum og rótutum dysti, sá leingi út til, at málið, sum Kyrgiakos skoraði, fór at føra Liverpool til sigurs. Men sum so ofta hetta kappingarárið, so eydnaðist mótstøðuliðnum at skora í seinastu løtu, og tað var enn einaferð eftir ein deyðbólt. Kuyt rakti stongina langt inni í yvirtíðini, og so vóru tvey stig afturat mist.
Gerið viðmerkingar inni í greinini
Undirritaði sá ikki teir fyrstu 35 minuttirnar, so hetta verður ikki ein fullkomin dystarfrásøgn.
Tað, sum eg sá av dystinum var so rótut, at tað minti nógv um ein føroyskan dyst á grúsvølli afturi í 80-árunum, gypp úr enda í annan. Tað skal tó sigast, at ferðin sjálvandi var munandi skjótari.
Fyri at taka tað góða fyrst, so skulu leikararnir eiga, at teir veruliga stríddust móti Stoke. Har var einki givið, og menn fóru inn í nærdystirnar við fullum hugi. Tað sama gjørdu leikararnir hjá Stoke, og tí gjørdist hetta ein veruligur mannfólkadystur við sera fáum fótbóltsligum hæddarpunktum.
Fótbóltsspæl var so at siga einki frá okkara síðu. Vit fingu ongantíð nakað spæl at flóta, og tær fáu ferðirnar, vit kundu fara í mótálop, varð bólturin bara lossaður upp á vøllin.
Lucas skuldi nokk havt fingið eitt brotsspark um miðjan fyrra hálvleik, men ógvuliga sigandi fyri kappingarárið, so gav dómarin honum gult kort fyri at filma.
Tað lá í luftini, at eitt møguligt mál, mátti kom eftir ein deyðbólt, og tað gjørdi tað eisini. Haldi tað var Aurelio, sum í 57. Minutti sendi eitt fríspark innfyri úr høgru síðu, og har megnaði Kyrgiakos at skrambla bóltin í málið. Eitt ógvuliga sigandi mál fyri dystin.
Dysturin helt fram á sama hátt, men móti endanum eydnaðist Stoke at leggja trýst á Liverpool, og í seinasta minutti fingu teir enn eitt hornaspark, og so er altíð vandi á ferð.
Higginbottom var hægstur á handaru síðu og skallaði tvørturum aftur málið móti hinari stongini, og har sendi Huth bóltin í málið.
Í yvirtíðini royndi Stoke at vinna dystin, men Liverpool var nærmast við, tá ið Kuyt eftir eitt skjótt mótálop skallaði eitt innlegg á stongina. Í hesi støðuni kundi Lucas kanska eisini fingið brotsspark, tí hann var trýstur niður beint framman fyri Kuyt.
Aftur tvey mist stig, og trýsti á Benitez bara veksur. Í dag var kanska eitt sindur av vilja í, men kvaliteturin var ikki til staðar, og spurningurin er um, hópurin, Rafa hevur bygt upp í fimm ár, er nóg góður. Uttan Gerrard, Torres og Benayoun er í øllum førum sera torført at fáa eyga á nakað hugflog í spælinum. Og álitið hjá Benitez á Aquilani er so lítið, at hann móti Stoke var á beinkinum, hóast allir kreativu leikararnir vóru skaddur. Tíverri so teknar Aquilani alt meira til at gerast eitt av størstu floppum í Premier League.
Á tí ljósu síðuni, og spældi Tottenham bara javnt móti Hull, og Manchester City tapti fyri Everton, so vit komu eitt stig nærri 4. plássinum. So mugu vit bara vóna, at West Ham ger okkurt við Aston Villa í morgin.
(PL) Stoke –Liverpool 1-1 (0-0)
1-0 Kyrgiakos (57)
1-1 Huth (90)
Dystartøl og leikaramet frá The Times:
STOKE: Sorensen 4, Huth 5, Abdoulaye Faye 5 (Wilkinson 26min, 6), Shawcross 7, Higginbotham 6, Delap 5 (Lawrence 24min, 6), Whitehead 5, Diao 6, Etherington 6, Sidibe 5 (Fuller 66min), Tuncay 5
LIVERPOOL: Reina 7, Carragher 7, Kyrgiakos 7, Skrtel 6, Insua 6, Degen 3 (Maxi 78min), Lucas 7, Mascherano 5, Aurelio 6, Kuyt 5, Ngog 5 (Aquilani 87min)
Yellow cards: Stoke Diao Liverpool: Lucas, Reina.
Hagtøl frá Sky Sports:
Stoke City - Liverpool
1 Goals 1
0 1st Half Goals 0
2 Shots on Target 1
3 Shots off Target 5
4 Blocked Shots 2
10 Corners 0
13 Fouls 12
0 Offsides 1
1 Yellow Cards 2
0 Red Cards 0
61.4 Passing Success 60.7
11 Tackles 25
72.7 Tackles Success 68
44.3 Possession 55.7
50.4 Territorial Advantage 49.6
Eingi leikaramet hesaferð, tí eg sá ikki allan dystin. Sí leikarmetini í dystartølunum frá The Times longri upp í greinini.
Tit kunnu eisini sjálvi geva tykkara leikaramet í viðmerkingunum.
Viðmerkingar () |
|
|
|
|
 |
Tíðindi 
