Skrivað hevur Rói Joensen, Saturday, 30 January 2010 (796 hits)
 (PL) Liverpool – Bolton 2-0 (1-0)
Liverpool vann 2-0 á Bolton heima á Anfield leygardagin. Fyrri hálvleikur var javnur, og hóast Bolton hevði teir bestu møguleikarnar, so var tað Kuyt, sum skoraði einasta málið fyri steðgin.
Í seinna hálvleiki hevði Liverpool fult tamarhald á støðuni og kundi økt fleiri ferðir. Tá ið 70 minuttir vóru spældir var eitt skot frá Insua rætta av og endaði í málinum til endaliga úrslitið 2-0.
Gerið viðmerkingar inni í greinini
Sigurin á 2-0 var fult uppiborin og kundi saktans verið størri. Kortini var tað ikki so sannførandi í fyrra hálvleiki, og eingin kundi havt klagað, um Bolton hevði komið fram um. M.a. kom Lee hjá Bolton eftir eitt skjótt mótálop fram við Reina, og sendi bóltin úr spískum móti málinum, men tíbetri bjargaði Kyrgiakos á strikuni.
Hóast fyrri hálvleikur ikki var so sannførandi, so vóru nøkur tekin í álopsspælinum, sum bendu rætta vegin. Tað gekk sum heild nógv skjótari at flyta bóltin fram eftir vøllinum, men tað var kortini ikki nóg nógv bit í.
Kuyt var tann, sum bjóðaði mest av, og eisini Riera og Insua skaptu rímiliga nógv í vinstru síðu. Aquilani, sum byrjaði á vøllinum, hevði stórt spill í sínum sendingum. Tað var sum um hann royndi ov nógv eftir tí genialu sendingini, og tí kikksaði ov nógv. Kortini tyktist tað sum um samansetingin Mascherano og Aquilani onkursvegna setti meira lív í offensivin enn tann traditionella Mascherano – Lucas. Tað telur eisini avgjørt, at prinsurin úr Italia legði upp til fyrsta málið eftir eitt framúrskarandi álop. Hetta var einans næsta “assist” frá sentralu miðjuni hetta kappingarárið í Premier League.
Dagsins fyrsta mál var gott. Riera sendi bóltin úr høgru yvir í vinstru síðu til Insua, sum rak móti baklinjuni, legði innfyri móti handaru stong, har Aquilani vísti yvirlit og skallaði aftur til Kuyt, sum beindi bóltin í málið.
Kuyt’urin er um at finna formin aftur, og so kann tað ikki forsmáast, at hann dugir at skora mál.
Í seinna hálvleiki gjørdi Bolton eitt sprell at byrja við, men so tók Liverpool yvir alt spælið og hevði fult tamarhald restina av dystinum. Fleiri møguleikar vóru eisini at avgera dystin. M.a. misbrúkti N’Gog upp á tað skammiligasta, tá ið Jaskelainen fyrst bjargaði einum skoti frá Gerrard, og N’Gog bara skuldi senda returin í tóma málið, men tann rakti á tríkantin, og so var tann vandin av.
Dysturin varð avgjørdur, tá ið eitt skot frá Insua rakti Kevin Davies, og snýtti Jaskelainen fullkomiliga og endaði í málinum.
Sigurin ger at vit framvegis eru við í stríðnum um 4. plássið, hóast eg eftir seinasta dyst, segði meg ikki trúgva upp á tað longur. Tað hjálpti eisini væl, at Tottenham misti tvey stig.
Okkara menn mugu kortini spæla nógv meira sannførandi enn í dag, um 4. plássið skal røkkast. Fyri framman eru tríggir truplir dystir, Everton heima, og Arsenal og City úti.
Dystartøl:
(PL) Liverpool – Bolton (1-0)
1-0 Kuyt (37)
2-0: Davies, sjálvmál (70)
Liverpool: Reina – Carragher, Kyrgiakos, Skrtel,Insua – Mascherano, Gerrard - Kuyt, Aquilani (66. Lucas) , Riera (74. Rodriguez) - N'Gog (84. Babel)
Á beinkinum: Cavalieri , Darby, Agger, Babel, Pacheco
Gult kort: Mascherano
Bolton: Jaaskelainen – Steinsson, Cahill, Knight, Rickets, Muamba, M. Davies, Lee, Cohen, Taylor, K. Davies
Á beinkinum: Al Habsi, Robinson, O'Brien, Gardner, Weiss, Wilshire, Elmander
Gult kort: M. Davies, Lee og Knight
Hagtøl frá Sky Sports:
Liverpool - Bolton Wanderers
2 Goals 0
1 1st Half Goals 0
4 Shots on Target 1
6 Shots off Target 6
9 Blocked Shots 2
12 Corners 3
12 Fouls 13
2 Offsides 0
1 Yellow Cards 3
0 Red Cards 0
75.3 Passing Success 62.4
12 Tackles 18
83.3 Tackles Success 88.9
65.9 Possession 34.1
58.4 Territorial Advantage 41.6
Leikaramet:
Reina 7 (Tryggur í øllum, sum hann ger)
Carragher 6 (Eitt miðal avriki á høgra bakki)
Kyrgiakos 7 (Grikkin sær út til at hava funnið seg til rættis í Onglandi)
Skrtel 6 (Byrjar eisini at finna á rætta lagið)
Insua 7 (Trupulleikar í verjupartinum, men sera góður í álopspartinum)
Mascherano 7 (Stríddist og hevði eisini onkrar góðar sendingar)
Gerrard 6 (Til at kenna aftur móti endanum)
Kuyt 7 (Besti maður í dag)
Aquilani 6 (Nær akkurát upp á 6-talið. Missir nógvar bóltar, er kortini við at fáa meira flog yvir spælið)
Riera 6 (Gevur álopspartinum nógv við sínum óortidoksa spæli)
N'Gog 6 (Søkir væl tómu umráðini , men er ikki nóg effektívur)
Lucas 6 (Gjørdi sítt arbeiði)
Rodriguez 6 (Fall væl inn)
Babel 6 (Nakrar minuttir)
Viðmerkingar () |
|
|
|
|
 |
Tíðindi 
