Liverpool vann 2–0 á italska Champions League-luttararanum, Como í seinasta venjingardystinum í summar. Cody Gakpo og nýggi miðverjin Jérémy Jacquet skoraðu málini í fyrra hálvleiki.
Jacquet spældi ein góðan fyrsta dyst fyri okkara lið, og Ronald Araújo fekk sínar fyrstu minuttir eftir steðgin.
Liverpool hevði fult tamarhald í seinna hálvleiki, tó at Como rakti stongina og hevði nakrar hálvar møguleikar.
Tað var sostatt ein tryggur sigur í seinasta venjingardystinum í summar. Komandi sunnudag telur tað, tá ið Newcastle kemur á vitjan á Anfield í fyrsta dystinum í Premier League 2026/2027.
Hesir byrjaðu á vøllinum, og spæla helst eisini móti Newcastle:
Alisson Becker - Jeremie Frimpong, Jérémy Jacquet, Virgil van Dijk, Milos Kerkez - Ryan Gravenberch, Dominik Szoboszlai - Rio Ngumoha, Florian Wirtz, Cody Gakpo - Alexander Isak.
Inn komu:
Ronald Araújo, Lewis Koumas, Víctor Muñoz, Trey Nyoni og Will Wright.
Harvey Elliott og Curtis Jones vóru als ikki við, og teirra framtíð í Liverpool tykist sera óviss.
Seinastu tíðindi
Liverpool og eg 1 - Andrias Helenuson
Jacquet var ljóspunktið
Araujo: Sterkur miðverji ella nógv skaddur
