Leygardagin vann Liverpool 3-1, ímóti Norwich á heimavølli og nýggi maðurin, Luis Diaz, skeyt sítt fyrsta mál í reyðu troyggjuni. Liverpool leiktu móti Inter mitt í vikuni og Klopp byrjaði tí, við einari heilt øðrvísi byrjannaruppstilling. Joe Gomez og Tsimikas, byrjaðu á hvør sínum bakki, meðan Matip varð endurvaldur í miðverjuna, hóast Konaté leikti einastandandi móti Inter. Á miðjuni vórðu allir skiftir út, Chamberlain fyri Thiago, Henderson fyri Fabinho og Keita fyri Elliott. Í Álopinum byrjaði Diaz á vinstra vongi og Mane varð koyrdur í álopið. 

Dysturin varð leiktur við sera høgari leikferð og bæði liðini komu til stórar møguleikar. Í veruleikanum áttu bæði liðini, at skotið mál í fyrra hálvleiki, men hálvleiksstøðan vísti 0-0. Norwich kom út til seinna hálvleik við stórari trúgv og megnaðu, at skjóta mál eftir tríggjar minuttir. Stutt eftir tímaslagið, javnaði Mane og Salah legði okkum á odda stutt aftaná. Í 81 minutti lukkaði Luis Diaz uppgerðini við sera góðum málið, eftir frálíkum uppleggi frá Henderson. Ein sera týdningarmikil sigur, ið heldur okkum inni í stríðnum um meistaraheitið. Við einum dysti til góðar eru seks stig upp til verandi meistaranar, ið leygardagin snávaði móti Tottenham, ið eru vaknaðir eftir trý tap á rað. 

Mikukvøldið skulu vit aftur í eldin. Hesuferð verður tað ímóti einum Leeds liðið, ið síggja sera veikir út í verjupartinum. Liverpool eru glóðheitir í løtuni og mugu taka av hesum møguleikanum. Ein sigur ger, at vit bert liggja trý aftanafyri City og so kunnu vit mest avgera alt sjálvir. Liverpool er framvegis við í øllum kappingum og hevur hálvan fót í hálvfinaluni av Champions League.

Nakrar týdningarmiklar uppgerðir vænta og Liverpool Føroyar væntar og vónar góð úrslit. YNWA!