Aftur

Bóltdrongurin er nú toppskjútti

11 apr 2022

Oakley Cannonier. Ja, øll kenna Oakley Cannonier. Bóltdrongurin, sum handlaði so skjótt, tá Liverpool tuskaði aftan á FC Barcelona 7. mai 2019. Í fyrra dystinum vann FC Barcelona 3-0 og Liverpool vísti seg frá allarbestu síðu í seinna dystinum. Divock Orgi legði Liverpool á odda eftir 7 minuttir, síðani skoraði Giorginio Wijnaldum tvey tøtt mál stutt inn í seinna hálvleik og góðar 10 minuttir fyri leiklok sendi Trent Alexander-Arnold eitt hornaspark inn til ein púra leysan Divock Origi, sum smekkaði bóltin upp í nettakið til 4-0. Liverpool vann sostatt 4-3 samanlagt.

Trent Alexander-Arnold vann eitt hornaspark í hornatøkum við Sergi Roberto. Bóltdrongurin, Oakley Cannonier, hugsaði sera skjótt og kastaði eykabóltin, sum hann hevði í hondunum, til Trent, meðan Origi sendi dystarbóltin til bóltdrongin. Trent kundi tískil gera rættiliga skjótt av og spæla Origi, sum avgreiddi ørindini.

Hann fylti 15-ár dagin fyri tiltikna Barcelona dystin og í vikuskiftinum skoraði hann 4 mál, tá U18 liðið hjá Liverpool vann 10-3 á fyrrverandi felagnum hjá Cannonier, Leeds United. Oakley Cannonier hevur higartil skotið 25 mál í bara 20 landskappingardystum fyri U18 liðið.

Skrivað: Jóan Pauli Jacobsen

Seinastu tíðindi

16. mai 2022

Champions League tiltak í dansifrøi leygar­dagin 28 mai.

11. apr 2022

Bóltdrongu­rin er nú toppskjútti

28. mar 2022

Onki er avgjørt

25. mar 2022

Túrur til Liverpool